Azərbaycan, Bakı, 13 avqust / Trend , müxbir A.Bədəlova/ ABŞ-ın Dövlət Enerji İnformasiyaları İdarəsi (EIA) 2009-cu ildə OPEK-in neft ixracı üzrə mənfəətini 2008-ci ilin 1,174 trln. dollarına nisbətdə 54 mlrd. dollar artaraq 1,228 trln. dollara çatacağını proqnozlaşdırır.
Cari ilin yanvar-iyul ayları ərzində OPEK-in neft ixracından mənfəəti 642 mlrd. dollar təşkil edib.
EIA-nın qiymətləndirməsinə görə, ötən il OPEK-in mənfəəti 2006 -cı ilə nisbətdə 10 faiz artıb. EIA-nın qiymətləndirməsinə əsasən, 2007- ci ildə OPEK-in mənfəəti 671 mlrd. dollar təşkil edib ki, bu da 2008-ci ilə nisbətdə 503 mlrd. dollar azdır.
Ötən il əldə olunan mənfəətin böyük hissəsi - 194 mlrd. dollar Səudiyyə Ərəbistanının payına düşüb ki, bu da ötən il OPEK-in ümumi mənfəətinin 29 faizini təşkil edib.
EIA-nın qiymətləndirməsinə görə, OPEK ölkələri üzrə neft tədarükünün ümumi həcmi 2008 -ci ildə 2007-ci ilin sutkada 35,42 mln. barelinə nisbətdə 37,24 mln. barel təşkil edəcək. Proqnozlara əsasən, 2009-cu ildə tədarük həcmi cüzi dərəcədə artacaq və sutkada 37,58 mln. barel təşkil edəcək.
Dövlət Enerji İnformasiyaları İdarəsi 1977- ci ildə Konqres tərəfindən yaradılan ABŞ Energetika Departamentinin Statistik Agentliyidir.
Məqalə müəllifi ilə əlaqə ünvanı: Capital
