Azərbaycan, Bakı, 09 sentyabr/ Trend , müxbir A.Bədəlova/ ABŞ səfirliyinin ictimaiyyətlə əlaqələr departamentinin rəhbəri Terri Devidson (Terry Davidson) ABŞ vitse-prezidenti Riçard Çeyninin Azərbaycana səfərinin uğursuz olması haqqında məlumatı təkzib edib.
Bir neçə Rusiya qəzeti vitse - prezidentin Azərbaycana səfərinin uğursuz olması barədə məlumat yayıb. Müzakirələrin mövzusu Rusiyanın neft ixracından asılılığı azaltmaq məqsədilə enerji daşıyıcılarının ixrac marşrutlarının genişləndirilməsi məsələləri olub.
"Dünən yüksək səviyyədə görüş keçirilib və heç bir narahatlıq olmayıb", - Devidson bildirib.
Müəlliflə əlaqə saxlamaq üçün elektron ünvan - [email protected]
