Azərbaycan, Bakı, 22 sentyabr/ Trend / Azərbaycan Dövlət Neft Şirkətinin (ARDNŞ) "28 may"Neft-Qaz Çıxarma Idarəsi (NQÇİ) 2008-ci ilin yanvar-avqustunda 3,5 mln. ton neft hasil edib, - rəsmi mətbuatda deyilir.
ARDNŞ-nin müstəqil istismar etdiyi "Günəşli"yatağının dayaz dənzi hissəsini işləyən NQÇİ yanvar-avqustda bu yataqdan 4,3 milyard qaz hasil edib ki, bu da ötən ilin göstəricisini 55 faiz (1,5 milyard kubmetrdən çox) ötüb.
Sentyabrın 1-nə olan məlumata görə, NQÇİ-nin istismar quyular fonduna 251 quyu daxildir ki, bunun da 226- sı fəaliyyət göstərən, 25-i fəaliyyət göstərməyən fondun payına düşür.
1982-ci ildən istismar edilən "Günəşli"yatağında 218 quyu var ki, onun da 179-u neft, 39-u qaz quyusudur. Hazırda fəaliyyət göstərən fondda 197 quyu var. Onun 160-ı neft, 37-si qaz quyusudur.
"28 may"NQÇİ-nin işlədiyi "Çilov"yatağında 31 neft və iki qaz quyusu var. Onlardan 29-u fəaliyyət göstərən, dördü fəaliyyət göstərməyən fonddadır.
26 il ərzində "Günəşli"yatağından 137,1 mln. ton neft və 51,5 milyard kubmetr qaz hasil edilib.
