Azərbaycan, Bakı, 03 oktyabr / Trend / "Ekol Muhendislik Xidmetleri" QSC və Almaniyanın "Bamag" şirkətinin Misir ofisi öz imkanlarından qarşılıqlı istifadə haqqında memorandum imzalayıblar, QSC-nin cümə günü yayılan məlumatında bildirilir.
Memorandumu "Ekol"un rəhbəri Soltan Əliyeva və "Bamag" şirkətinin Misir ofisinin Baş meneceri Reynhard Jerzman imzalayıb.
"Bamag" su təchizatı, su ilə təminetmə və çirkab suların təmizlənməsi sahəsində işləyən beynəlxalq injinirinq şirkətidir.
Azərbaycan üçün bu
problemlərin aktuallığını diqqətə alan
şirkətlər Azərbaycan ərazisində müasir
texnologiyalardan istifadə, təcrübə mübadiləsi
və ikitərəfli əməkdaşlığın
dəstəklənməsi məsələlərini
müzakirə ediblər.
Alınan məlumat içməli və çirkab suların təmizlənməsi sahəsində yeni ekoloji layihələrin hazırlanmasına yardım edəcək.
2006-cı il martın 1-də Abşeron yarımadasında mövcud ekoloji problemlərin həlli üçün yaradılmış "Ekol Muhendislik Xidmetleri" QSC-nin təsisçiləri ARDNŞ (51 faiz) və "Lancer S.A. Services" (49 faiz) şirkətidir.
