Qazaxıstan, Astana, 07 oktyabr / Trend , müxbir K.Konırova/ Qazaxıstanın dövlət şirkəti "KazMunayQaz" BP-yə Britaniya şirkətinin Xəzər Boru kəməri Konsorsiumundakı (XBK) payını almaqda maraqlı olduğunu bildirib, "KazMunayQaz"ın prezidenti Kairgeldı Kabıldin çərşənbə axşamı Almatıda keçirilən KİOQE-2008 sərgi və konfransı çərçivəsində mətbuat konfransında deyib.
"BP-nin payını almağa maraq var. Biz bu barədə BP-yə demişik", - Kabıldin bildirib.
Bir sıra Rusiya KİV-də XBK-dakı mənbəyə istinadən BP-nin XBK-nin iştirakçıları olan iki birgə müəssisədəki - LUKARCO B.V və Kazakhstan Pipeline Ventures-dəki paylarını satmağı planlaşdırdığı barədə məlumat gedib. LUKARCO B.V-nin səhmlərinin 46 faizi, Kazakhstan Pipeline Ventures-in səhmlərinin 19 faizi BP-yə məxsusdur.
"Hazırda danışıqlar prosesi başlayıb", - Kabıldin bildirib.
Yayın ortalarında Oman XBK-dakı yeddifazilik payını satmasını bəyan edib. Qazaxıstanın Neft Şirkətləri Assosiasiyasının - KazEnergy-nin rəhbəri Timur Kulibayev yayda Trend -ın Astanadakı xüsusi müxbirinə bəyan edib ki, Qazaxıstan səhmlərin müəyyən edilən təxirəsalınmaz alışı qaydalarına əsasən, bu paketin yarısını - 3,5 faizini almaqda maraqlıdır.
"KazMunayQaz"ın prezidenti çərşənbə axşamı mətbuat konfransında bildirib ki, Omanın XBK-dakı payının alınması haqqında danışıqlar kommersiya hissəsinə daxil olub.
"Dövlətlər və özəl şirkətlər arasında balansı qorumaq məqsədilə bu payı Rusiya və Qazaxıstan tərəfləri alacaq", - Kabıldin bildirib.
Müəlliflə əlaqə saxlamaq üçün elektron ünvan: [email protected]