Azərbaycan, Bakı, 22 oktyabr/ Trend / Cari ilin yanvar-sentyabrında SOCAR-ın (Azərbaycan Dövlət Neft Şirkəti) gəmi təmiri zavodu 14 gəmi üzrə əsaslı təmir işləri aparıb. 15 gəmi zavodda dok təmirindən keçib. Bu barədə SOCAR-ın məlumatında bildirilir.
Bu dövr ərzində beş üzən kran - "Uluçay", "Şirvan", "Şirvan-3", "İlam Kərimov" və "Ramiz Hacıyev" də təmir edilib.
Sentyabrda iki gəmi - "Vixr - 9" yanğınsöndürən gəmisi və "Bunker - 4" neft daşıyan gəmi zavodda təmirdən keçib.
Gəmi təmiri zavodu üç üzən doka sahibdir. Onlardan birinin tonnajı 15 min tondur. O, Xəzər dənizində ən iri dokdur. "Süleyman Vəzirov" və "İsrafil Hüseynov" boru kəməri çəkən gəmi məhz bu dokda təmir edilib.
