...

SOCAR şirkəti Gürcüstanda yanacaqdoldurma məntəqələrinin sayını artıracaq

Energetika Materials 29 Oktyabr 2008 19:43 (UTC +04:00)

Trend-i buradan izləyin

Azərbaycan, Bakı, 29 oktyabr/ Trend , müxbir E.İsmayılov/ 2009 - cu ildə Gürcüstanda SOCAR (Azərbaycanın Dövlət Neft Şirkəti) brendi altında yanacaqdoldurma məntəqələrinin (YDM) sayı 35 - 40 ədəd təşkil edəcək, - SOCAR Georgia şirkətindəki mənbə çərşənbə günü bildirib. Cari ilin sonunadək təxminən 24 - 25 YDM açmaq planlaşdırılır.

"Gələn il Batumidə üç məntəqə açmağı planlaşdırırıq. Ümumulikdə 2009 - cu ildə  YDM - in sayı (Gürcüstanda) 35 - 40 ədəd təşkil edəcək", - mənbə bildirib.

İki - üç il ərzində SOCAR şirkəti Gürcüstandakı yanacaqdoldurma məntəqələrinin  sayını (YDM) 60 ədədə çatdıracaq.

Hazırda SOCAR Georgia-nın Gürcüstanda 16 YDM-i var. Bir neçə gün əvvəl Poniçala rayonunda YDM açılıb. Bu həftə Vaxuşti rayonunda daha bir məntəqə açmaq planlaşdırılır. İlin sonunadək şirkət Tbilisidə dörd, Dmanisi, Kutaisi və Zestafoni rayonlarının hər birində biri olmaqla, daha yeddi YDM istismara verməyi planlaşdırır, mənbə əvvəllər bildirib.

SOCAR Georgia - nın həmtəsisçiləri aşağıdakılardır: SOCAR - 51 faiz, Petro Trans FZCO - 32,7 faiz və İvan Çxartişvili - 16,3 faiz.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti