Azərbaycan, Bakı, 30 oktyabr/ Trend , müxbir E.İsmayılov/ "Middle East Petrol" şirkəti Gürcüstanda yerləşən Kulevi terminalına dəmir yolu ilə çatdırılan maye neft yüklərinin aşırma həcmini iki dəfə artırmağı planlaşdırır. "Azersun Holding" şirkətinin prezidenti Abdulbari Gozal bildrib ki, aşırma həcminin indiki 250 - 300 min ton maye neft yükündan ayda 500 - 600 min ton maye neft yükünədək artırılması planlaşdırılır.
"Bu həcmə yarım il ərzində nail olunması planlaşdırılır", - deyə Goozal bildirib.
Onun sözlərinə görə, şirkət Batumi neft terminalı ilə də fəal işləyəcək.
"Batumi terminalı da Kulevidəki həcmlə işləyəcək. Məqsədimiz hər iki terminalı istismar etməkdir", - deyə Gozal bildirib.
Gozal əvvəllər bildirib ki, "Middle East Petrol" bu il Kulevi terminalı vasitəsilə təqribən üç mln. ton maye neft yükləri aşırmağı planlaşdırır. Nəql olunan maye neft yüklərinin bir hissəsi Qazaxıstan və Türkmənistandan, bir hissəsi Azərbaycandan olacaq.
Kulevi terminalı eyni vaxtda 168 sistern -vaqonu qəbul edə bilər. Ehtiyat parkının ümumi gücü 380 min kubmetr təşkil edir. Liman 100 min tonadək dedveytlik tankerlərə xidmət göstərmək imkanındadır. İki il ərzində terminalın nəql imkanlarının 15 -20 mln.tonadək artırılması planlaşdırılır. Terminalın ümumi aşırma gücü ,2 mln. ton xam neft, 3 mln. ton dizel yanacağı, 4 mln. ton mazut daxil olmaqla, ildə 10 mln. maye neft məhsulları təşkil edir.
Kulevi terminalının sahibi "SOCAR Georgia" şirkətidir. Onun həmtəsisçilri qismində - SOCAR - 51 faiz, Petro-Trans FZCO - 32,7 faiz və İvan Çxartişvili - 16,3 faiz - çıxış edirlər.
Məqalə müəllifi ilə əlaqə ünvanı: capital