Azərbaycan, Bakı, 08 noyabr/ Trend / SOCAR şirkəti neft və qaz hasilatının artırılması üzrə şəxsi proqramının və digər layihələrin realizəsi çərçivəsində, yanvar-sentyabrda təxminən 190 kilometr müxtəlif boru kəmərləri xətti çəkib.
Çəkilmiş xətlərin 38 kilometrdən çoxu sualtı boru kəmərləri, təxminən 128 kilometri quru boru kəmərlərinin payına düşür. Görülmüş işlər çərçivəsində, 26 kilometrdən çox estakada və meydança tikilib.
Hazırda SOCAR qaz hasilatının artırılması üzrə şəxsi proqramını realizə edir. Proqrama əsasən, şirkətin dövlətə verdiyi təbii qazın həcmi 8 mlrd. kubmetr təşkil etməlidir. 2008-ci ildə SOCAR 8 mlrd. kubmetr qaz hasil etməyi planlaşdırır ki, bunun da 7 mlrd. kubmetri dövlətə veriləcək.
