Azərbaycan, Bakı, 13 noyabr/ Trend , müxbir S.Əliyev/ Azərbaycan və Qazaxıstan sabah Bakıda Bakı -Tbilisi - Ceyhan üzrə neft nəqli sisteminin yaradılmasına dair saziş imzalayacaqlar. Saziş SOCAR və Qazaxıstanın "KazMunayqaz" şirkətləri arasında imzalanacaq. Bu barədə cümə axşamı SOCAR şirkətinin (Azərbaycan Dövlət Neft Şirkəti) yüksək vəzifəli nümayəndəsi bildirib. Sistemin yaradılmsının 2012 - ci ilin sonunadək başa çatdırılması planlaşdırılır.
Neftin Qazaxıstandan Azərbaycan ərazisi üzrə nəqlinə dair müqavilə 2006 - cı il iyunun 16 -da imzalanıb. Ehtiyat bazası "Kaşağan" və "Tengiz" və digər dəniz yataqlarıdır.
İlin sonunda Eskene-Kurık boru kəmərinin texniki-iqtisadi əsəslandırılmasının hazırlanması başa çatdırılacaq.
İldə təqribən 20 mln. ton gücündə olan boru kəmərinin ilkin dəyəri birinci mərhələdə təqribən 1,3 -1,4 mlrd. dollar təşkil edəcək.
Neft Qazaxıstanın Kurık limanından tankerlərlə Bakıya tədarük olunacaq. Hər tankerin dəyəri 70 - 80 mln. dollar səviyyəsində nəzərdə tutulur, həmçinin, hər tankerin beş mln. tonadək neft daşıyacağı planlaşdırılır. Tankerlərin dedveyti təqribən 60 min ton həcmində nəzərdə tutulur.
