Azərbaycan, Şəki, 20 noyabr/ Trend , müxbir X.Əkbərova/ "Ötən əsrin 30 - cu illərində Şəkidə tikilmiş və Qafqazda analoqu olmayan su - elektrik stansiyasının gücü Almaniyadan gətirilmiş avadanlığın quraşdırılması hesabına üç - dörd dəfə artırılacaq", - Şəki SES - in direktoru Aydın Xəlilov bildirib.
Bu, Şəki SES-də aparılan ilk irimiqyaslı bərpa və yenidənqurma işləridir, - elektrik stansiyasının rəhbəri əlavə edib.
Həyata keçirilən işlər çərçivəsində, su təmini kanallarında üç turbin kompensatorunun əsaslı təmiri aparılacaq.
Bütün bu işlər texnikanın köməyi olmadan 85 - 264 metr yüksəklikdə aparılacaq. Şəki SES - də yenidənqurma işlərini General Construction ASC həyata keçirəcək. Elektrik stansiyası bu şirkətin idarəsinə verilib.
İndiyədək General Construction ASC 2 mln. manatdan çox sərmayə yatırıb.
Gələcəkdə içməli su və elektrik enerjisi problemlərinin tam aradan qaldırılması üçün əlavə maliyyə vəsaitlərinin ayrılması nəzərdə tutulub.
