Azərbaycan, Bakı, 20 noyabr/ Trend , müxbir A.Bədəlova/ OPEK-in proqnozlarına görə, dünya üzrə enerji tədarüklərinin ümumi həcmi 2006 - cı ildən 2030 - cu ilədək, illik 1,7 faiz artım ilə 50 faizdən çox artacaq.
Kartelin rəsmi saytında yerləşdirilən məruzədə bildirilir ki, enerji tədarüklərinin ümumi həcmi 2010 - cu ildə 11,720 mlrd. ton neft ekvivalenti, 2020 - ci ildə 13,964 mlrd. ton, 2030 - cu ildə 16,389 mlrd. ton neft ekvivalenti təşkil edəcək.
2010 - cu ildə dünya üzrə neft tədarüklərinin səviyyəsi 4,257 mlrd. ton neft ekvivalenti, 2020 - ci ildə 4,830 mlrd. ton, 2030-cu ildə 5,360 mlrd. ton təşkil edəcək.
2006 - cı ildən 2030 - cu ilədək qaz tədarükü üzrə illik artım 2,1 faiz təşkil edəcək. Dünya üzrə qaz tədarükü həcmi 2010 - cu ildə 2,637 mlrd. ton neft ekvivalenti, 2020 - ci ildə 3,239 mlrd. ton, 2030-cu ildə 3,993 mlrd. ton neft ekvivalenti təşkil edəcək.
Göstərilən dövr ərzində kömür tədarükü üzrə illik artım 1,9 faiz təşkil edəcək. 2010 - cu ildə kömür üzrə tədarük həcmi 3,298 mlrd. ton neft ekvivalenti, 2020 - ci ildə 3,993 mlrd. ton, 2030 - cu ildə isə 4,655 mlrd. ton neft ekvivalenti təşkil edəcək.
Məruzədə bildirilir ki, hasil ediləcək yanacaq 2030 - cu ilədək 85 faizlik pay ilə enerjiyə olan dünya tələbatının böyük hissəsini təmin edəcək. Ümumi enerji tədarükləri həcmində neftin payı 2030 - cu ilədək hazırkı 37 faizdən 33 faizədək düşəcək. Göstərilən dövrədək kömürün payı 28 faiz, qazın payı 24 faiz təşkil edəcək.
Məqalə müəllifi ilə əlaqə ünvanı - Capital
