Azərbaycan, Bakı, 25 noyabr / Trend müxbir E.İsmayılov/ Bu ilin sonu - gələn ilin əvvəllərində SOCAR şirkətinin Nəriman Nərimanov adına Neft - Qaz Çıxarma İdarəsi "Bulla dəniz - 82" platformasında yeni kəşfiyyat quyusu qazmağı planlaşdırır, çərşənbə axşamı SOCAR - dan deyiblər.
"Hazırda platforma tikintisilə bağlı iş aparılır. Qazma, işlərin gedişindən asılı olaraq, ya dekabrın sonlarında, ya da gələn ilin əvvəllərində başlayacaq", - mənbə söyləyib.
Yeni quyunun layihə dərinliyi 6400 metrdir, - mənbə qeyd edib.
Bu quyuda gündəlik hasilatın 500 min kubmetr qaz və 80 ton qaz kondensatının olacağı ehtimal edilir.
Eyni zamanda, 2009 - cu ilin əvvəlində "8 Mart" yatağındakı 572 sahəsində quyunun qazmasının yekunlaşacağı gözlənilir.
Yeni quyunun layihə dərinliyi 5800 metrdir, hazırda bunun 5261 metri qazılıb. Yeni quyudan gündəlik hasilatının 300 min kubmetr qaz və 30 ton neft və qaz kondensat olacağı planlaşdırılır.
Müəlilflə əlaqə ünvanı: [email protected]
