Türkmənistan, Aşqabad, 01 dekabr/ Trend , müxbir S.Qurbanov/ "Türkmənistanın enerji daşıyıcıları və ilk növbədə, təbii qaz ixracı üzrə tutduğu çoxvariantlı kurs hazırkı dünya maliyyə böhranının təsirindən qaçmağa şərait yaradaraq, öz bəhrəsini verir", - deyə bu yaxınlarda Aşqabada səfər edən Piter Vinqlinin rəhbərlik etdiyi Beynəlxalq Valyuta Fondunun missiyası qeyd edir.
BVF-nin yayılan press -relizində bildirilir ki, bu, "Türkmənistan hökumətinin qağaqlayıcı maliyyə siyasətidir". Fond iqtisadi dəyişikliklərdə, xüsusilə də mübadilə məzənnələrinin unifiksiyası, tariflərin endirilməsi və qiymətlərin dəyişdirilməsi sahəsində "əhəmiyyətli irəliləyişin" olduğunu qeyd edib.
"Stabilləşdirici fondun yaradılması, vergi-büdcə sahəsində aparılan digər islahatlar ölkənin maliyyə mövqeyinin gəlcəkdə möhkəmləndirilməsi məqsədilə, vergi - büdcə sahəsinin idarəetmə tədbirlərinin artan təkmilləşdirilməsi yolunda mühüm addımlardır", - deyə hesabatda bildirlir.
Hazırda Türkmənistandan, Özbəkistan və Qazaxıstandan keçməklə, Çin Xalq Respublikasına gedən qaz kəmərinin tikintisinə başlanıb, Rusiya Federasiyasına gedən ənənəvi marşrut üzrə, Orta Asiya - Mərkəz qaz kəməri sistemindən istifadə ilə nəql gücünün artırılması planlaşdırılıb. Əfqanıstandan tranzitlə Pakistan və Hindistana çəkiləcək, birmənalı olmayan qaz kəməri layihəsi geniş müzakirələr mərhələsindədir. Layihə Asiya İnkişaf Bankının himayəsi ilə reallaşdırılır.
Türkmənistanın "Nabukko" layihəsinə daxil edilməsi məsələsi hələ də açıqdır. Azərbaycan, Türkiyə və Türkmənistan prezidentlərinin iştirakı ilə bu günlərdə bağlı qapı arxasında Türmənbaşı şəhərində keçirilmiş üçtərəfli sammit hələ də vəziyyətə aydınlıq gətirməyib.
Məqalə müəllifi ilə əlaqə ünvanı - [email protected]
