Azərbaycan, Bakı, 03 dekabr/ Trend / "Ekol Muhəndislik Xidmətləri" QSC noyabr ərzində Heydər Əliyev adına Neft Emalı Zavodunda (NEZ) 796 min kubmetr çirklənmiş sənaye suyu emal edib, - QSC-nin çərşənbə axşamı yayılan məlumatında bildirilir. "Azneftyağ" NEZ-də bu göstərici 750 min kubmetr təşkil edib.
Heydər Əliyev adına NEZ-də çirklənmiş sənaye suyunun orta aylıq emalı 1-1,2 mln. kubmetr təşkil edir. "Azneftyağ" NEZ-də sənaye suyunun emalının orta aylıq göstəricisi 0,9 -1 mln. kubmetr təşkil edir.
Abşeron yarımadasında mövcud ekoloji problemlərin həlli üçün 2006-cı il martın 1-də yaradılmış "Ekol Muhəndislik Xidmətləri"QSC-nin həmtəsisçiləri SOCAR şirkəti (Azərbaycan Dövlət Neft Şirkəti) - 51 faiz və Lancer S.A. Services şirkətidir - 49 faiz, - SOCAR-ın rəsmi İnternet saytında bildirilir.
