Qazaxıstan, Astana, 19 dekabr/ Trend , müxbir K.Konırova/ Neftin hazırki qiymət azalması müvəqqəti təzahürdür, - Qazaxıstan Maliyyə Nazirliyi Vergi Komitəsinin sədri Daulet Yerqojin hesab edir.
"Biz güman edirik ki, ABŞ tərəfindən müvafiq tədbirlər qəbul edildikdən və OPEK-in hasilatın azaldılması üzrə sonuncu qərarından sonra neftin qiymətində müəyyən dəyişikliklər baş verəcək", - jurnalistlərin suallarını cavablandıran Yerqojin bildirib.
Onun sözlərinə göprə, mədən sənayesi üçün vergi yükünün azadılması ilə bağlı "görünən əlamət"yoxdur.
Təbii ehtiyatlardan istifadə müqavilələri uzun müddətə bağlanılır - 10 ildən 30 ilədək. Bununla əlaqədar olaraq, artım və azalma dövrləri mümkündür. "Vəziyyətdən asılı olaraq, vergilərin hesablanmasına düzəlişlər mümkündür", - Vergi Komitəsinin rəhbəri deyib.
Yerqojin xatırladıb ki, Qazaxıstanın yeni Vergi Məcəlləsində enerji daşıyıcılarının qiymət konyukturasının dəyişməsi ilə bağlı məqamların nəzərə alındığı bəndlər var.
MüəlM Müəlliflə əlaqə saxlamaq üçün elektron ünvan: [email protected]