Azərbaycan, Bakı, 27 dekabr/ Trend / SOCAR-ın (Azərbaycan Dövlət Neft Şirkəti) Marketinq və İqtisadi Əməliyyatlar İdarəsi (MİƏİ) yanvar - noyabrda təqribən 18,3 mln. ton neft və 2,2 mln. tondan çox neft məhsulları ixrac edib. Bu barədə Dövlət Gömrük Komitəsinin məlumatında bildirilir.
SOCAR şəxsi vəsaitləri hesabına 57-dən çox yataqdan neft hasil edir. Neft məhsulları ümumi emal gücü ildə 20 mln.- dan çox olan iki neft emalı zavodunun bazasında istehsal olunur. SOCAR nefti Bakı -Tibilsi - Ceyhan və Bakı - Novorossiysk boru kəmərləri vasitəsilə satır.
Gömrük Komitəsinin məlumatlarına görə, QKSSS MMC yanvar - noyabrda Azərbaycandan təqribən 98,3 min ton, "Azneftyağ" İstehsal Birliyi təqribən 80,5 min ton, "Kaspian Petrol-1" firması isə, 69,2 min ton neft məhsulları ixrac edib.
