Azərbaycan, Bakı, 16 yanvar/ Trend müxbir A.Bədəlova/ 2009-cu ildə dünyada neftə tələbat sutkada 0,5 mln. barel (altı faiz) - 2008-ci ildə sutkada 85,8 mln. barelə qarşı 85,3 mln. barlədək azalacaq, - Beynəlxalq Energetika Agentliyinin (BEA) məruzəsində deyilir. Məruzə qurumun rəsmi saytında yerləşdirilib.
2009 - cu ildə dünyada neftə tələbat proqnozu sutkada 1 mln. barel azaldılıb. Məruzədə deyildiyi kimi, neftə tələbatın iki il ərzində (2008-2009) gözlənilən azalması 1982 və 1983-cü illərdən bəri ilk dəfə olacaq.
BEA 2009-cu ildə OPEK-ə daxil olmayan ölkələrdən neft tədarükləri proqnozunu da azaldıb - sutkada 30 min barel. Yeni proqnozlara əsasən, 2009-cu ildə bu ölkələrin neft tədarükləri 2008-ci ildə sutkada 49,5 mln. barelə qarşı 50 mln. barel təşkil edəcək.
Müəlliflə əlaqə saxlamaq üçün elektron ünvan: с[email protected]