...

Azərbaycan parlamenti "İxrac neft-qaz fəaliyyətində xüsusi iqtisadi rejimin tətbiq edilməsi haqqında" Qanunu ikinci oxunuşda qəbul edib

Energetika Materials 2 Fevral 2009 19:01

Trend-i buradan izləyin

Azərbaycan, Bakı, 02 fevral/ Trend , müxbir C.Babayeva/

Azərbaycan parlamenti "İxrac neft-qaz fəaliyyətində xüsusi iqtisadi rejimin tətbiq edilməsi haqqında" Qanunu ikinci oxunuşda qəbul edib.

Bu Qanuna əsasən, Azərbaycanda qeydiyyatdan keçmiş, Azərbaycan qanunvericiliyinə müvafiq olaraq iş aparan, ölkədə tikinti meydançaları, infrastruktur və personalı olan şirkətlər respublikadan kənardan həyata keçirmək üçün layihə alarkən ƏDV və gömrük rüsumlarından azad olunacaqlar.

Qanun layihəsinə əsasən, podrat və subpodratçılar Qanunla nəzərdə tutulmuş qaydada ixrac neft-qaz fəaliyyəti ilə bağlı vergiləri ödəyəcəklər. İxrac neft-qaz fəaliyyəti ilə əlaqədar Azərbaycana idxal olunan və ölkədən ixrac edilən mallar gömrük rüsumundan azad olunacaq. Bundan əlavə, Qanunda podrat və subpodratçıların əmək  müqavilələrinin nizamlanması üzrə öhdəlikləri də göstərilib.

"İxrac neft-qaz fəaliyyətində xüsusi iqtisadi rejimin tətbiq edilməsi haqqında" Qanunun qəbul edilməsi Azərbaycan iqtisadiyyatının yalnız neft deyil, qeyri-neft sektorunun da inkişafına yardım edəcək, - Azərbaycan parlamentinin vitse-spikeri, parlamentin ekologiya, təbii ehtiyatlar və energetika komissiyasının sədri Valeh Ələsgərov bildirib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti