Azərbaycan, Bakı, 16 fevral / Trend / SOCAR (Azərbaycan Dövlət Neft Şirkəti) qış mövsümü ərzində şirkət tərəfindən müstəqil işlədilən "Günəşli" dəniz yatağında bağlı enerji sistemi yaradıb, - bazar ertəsi SOCAR-ın yaydığı məlumatda deyilib. Bu məqsədlə "Günəşli-2" və "Günəşli-13" platformaları arasında, böyük dərinlikdə 3,6 kilometr uzunluğunda elektrik xətti salınıb.
Qış mövsümündə həmçinin "Neft daşları" Nef-qaz hasilatı idarəsinin (NQHİ) balansında olan yataqlar arasında 12,4 kilometr uzunluğunda sualtı kabel elektrik məftili salınıb.
N.Nərimanov adına NQHİ balansında olan və fırtına zamanı zədələnmiş iki məntəqə arasındakı enerji təminatını bərpa etmək məqsədilə qısa müddətdə 850 metr uzunluğunda sualtı kabel xətti salınıb.