İranın "İran LNG" şirkətinin direktoru bildirib ki, İran və Çin arasında maye qazın (LNG) istehsalı məqsədi ilə, şənbə günü 2,639 milyard dollar dəyərində müqavilə imzalanıb. Bu barədə İranın İRİNN xəbər kanalı məlumat yayıb.
"Müqaviləyə əsasən, Çinin konsersium şirkətləri "Cənub Pars" qaz layihəsinin 12-ci fazasının 3 və 4-cü qaz emalı şöbələrinin inkişafında və bu layihənin digər bir fazasının inkişafında iştirak edəcək", - "İran LNG" şirkətinin direktoru Əli Xeyrəndiş bildirib.
Onun sözlərinə görə, yaxın günlərdə Çin konsersium şirkətinə Avropadan da bir şirkət qoşulacaq.
"Cənub Pars" qaz layihəsinin 12-ci fazasının 3 və 4-cü qaz emalı şöbələrinin illik istehsal həcmi 10 milyon ton LNG-dir.
