Azərbaycan, Bakı, 03 aprel / Trend , müxbir A.Bədəlova /
Aprelin 2-də CIF liman Augusta şərtləri ilə Azərbaycanın yüngül neftinin qiyməti $51,73/barel təşkil edib. 1997-ci ildən yüngül neft hasil edən SOCAR-dan (Azərbaycan Dövlət Neft Şirkəti) cümə günü verilən məlumata görə, cümə axşamı neftin qiyməti çərşənbə gününə nisbətən $4,7/barel artıb.
Azeri Light neft növü Azərbaycanın "Azəri-Çıraq-Günəşli" yatağından çıxarılır. Neft digər növlərlə qarışdırılmadan Bakı-Tbilisi-Ceyhan (BTC) boru kəməri ilə Türkiyənin Ceyhan limanına, dəmir yolu ilə Gürcüstanın Batumi limanlarına çatdırılır.
SOCAR-dan bildiriblər ki, FOB Türkiyənin Ceyhan limanı şərtlərilə Azərbaycanın yüngül neftinin qiyməti aprelin 3-də $51,1/barel təşkil edib və bu, əvvəlki qiymətdən $4,7/barel çoxdur.
Azərbaycan neftin URALS növünü də Novorossiysk limanından satır. Buraya xammal Bakı-Novorossiysk boru kəməri ilə çatdırılır. Keyfiyyətli Azərbaycan nefti Rusiyanın boru kəmərləri şəbəkəsində digər növlərlə qarışdırılır və Novorossiysk limanında URALS adı ilə satılır. Bu növ, spesifikasiyasına görə, Azərbaycan neftindən keyfiyyət və qiymətcə aşağıdır.
Novorossiysk limanından yüklənən URALS neftinin qiyməti aprelin 3-də $48,99/barel təşkil edib və bu, əvvəlki qiymətdən $4,55/barel çoxdur.
Şimal dənizindən hasil edilən Brent Dated etalon növlü neftin qiyməti aprelin 3-də $50,84/barel təşkil edib. Bu, əvvəlki qiymətdən $4,39/barel çoxdur.
Məqalə müəllifi ilə əlaqə ünvanı: [email protected]
