Azərbaycan, Bakı, 08 may / Trend /
"Azəri-Çıraq-Günəşli" (AÇG) yataqlar blokunda neft hasilatının artırılmasını nəzərdə tutan Chirag oil project (COP) layihələndirməsinin realizəsinə sanksiya artıq bu ilin sonunda verilə bilər", - cümə günü ВР (AÇG layihəsinin operatoru) şirkətindən deyilib.
Hazırda KBR Amerika şirkəti COP-un layihələndirilməsini həyata keçirir. Amerika şirkəti yeni platformanın da layihələndirilməsini həyata keçirəcək. Bu platforma yataqlar blokunda qurulacaq. KBR artıq AÇG yataqlarının əvvəlki bütün işlənmə mərhələlərinin layihələndirilməsini həyata keçirib.
COP layihəsinin realizəsinə 2013-cü ildə başlamaq planlaşdırılır", - BP-nin rəsmi saytında yerləşdirilmiş məlumatda deyilir.
Bu layihə "Çıraq-1" və "Dərinsulu Günəşli" yataqları arasında yeni hasilat platformasının qurulmasını nəzərdə tutur. O, Azərbaycanın yüngül neftinin sutkalıq hasilat həcmini 100 min barel artırmaq imkanı verəcək. Layihənin realizəsinin bütün dövrü ərzində (2024-cü ilə qədər) 300 milyon barel neft hasil etmək planlaşdırılır.
170 metr dərinlikdə qurulacaq COP platforması 48 quyunun qazılmasına hesablanıb. Yeni platformanın dizaynı yatağın şərq hissəsində qurulmuş platforma ilə uyğunluq təşkil edəcək.
COP layihəsində mövcud infrastrukturdan istifadə ediləcək. Bunlar BP-nin Sanqaçaldakı terminalına qədər uzanan sualtı 30 düymlük neft kəməri və 28 düymlük qaz kəməri, eləcə də bu terminalda emal üçün bəzi avadanlıqlardır.
Bu layihə çərçivəsində neft ehtiyatları 331 mln. barel qiymətləndirilir. Tikintisini 2013-cü ildə başa çatdırmaq nəzərdə tutulan yeni platformadan 28 hasilat və 17 basma quyusu qazılacaq. İlk neftin hasilatı 2013-cü ilin üçüncü rübündə başlayacaq. Sutkalıq xammal hasilatı 185 min barel neft və 60 mln. kub fut qaz həcmində proqnozlaşdırılır.
Layihənin realizəsinin sürətləndirilməsi üçün "Dədə Qorqud" üzən qazma qurğusundan qabaqlayıcı qazma həyata keçiriləcək.
Layihə çərçivəsində BP-nin Bakı-Tbilisi-Ceyhan boru kəmərinin başlanğıcını götürdüyü Sanqaçal terminalının genişləndirilməsi üzrə işlərin görülməsi nəzərdə tutulur.
AÇG platformasında yeni platformanın qurulması "Balaxanı" lay dəstəsinin işlənilməsi üçün lazımdır. Məhz bu məqsədlə iki yeni platformanın tikintisini gündəlikdə dayanır. Onlardan biri "Çıraq" yatağının və "Günəşli"nin dərinsulu hissəsinin, ikincisi isə, "Azəri" yatağının qərbi, şərqi və mərkəzi hissələrinin əhatə olunması üçün lazımdır.
BP şirkəti yeni laylardan neft hasilatı hesabına "Azəri-Çıraq-Günəşli" yataqlar blokunun tammiqyaslı işlənilməsi layihəsinin genişləndirilməsi üçün yeni platformaların tikintisini həyata keçirmək niyyətindədir. Bu, "Balaxanı" lay dəstəsini də əhatə edir.
Şirkət, yeni laylardan əlavə neft hasilatı hesabına, hasilatı mümkün olduqca yüksək səviyyədə saxlamaq niyyətindədir. Hesablamalara əsasən, 2013-cü ildə "Çıraq" yatağında platforma tikintisinin başa çatması sutkada 100 min barel neft hasilatını təmin edəcək və sabit hasilat dövrünü 1 il uzadacaq. 2015-ci ildə "Azəri" yatağında platformanın tikintisinin analoji nəticə verəcəyi gözlənilir.
Məqalə müəllifi ilə əlaqə ünvanı: [email protected]