Azərbaycan, Bakı, 14 may / Trend /
"Xəzər Dəniz Neft Donanmasının (XDND) gəmi təmiri zavodu su daşımaq üçün istifadə olunan, XDND-nin balansında olan "İsmət Qayıbov" tankerinin təmirini başa çatdırıb", - XDND-nin daxil olduğu SOCAR şirkətinin məlumatında deyilir.
Gəmidə korpusun, nasosların, rezervuar örtüklərin təmiri həyata keçirilib. Həmçinin gəminin mexanizmlərinin 60 faizi dəyişdirilib.
Bir reysə bu gəmi təxminən 1500 ton su daşıyır və "28 may" və "Neft daşları" neft-qaz istehsalat birliklərini içməli su ilə təmin edir. Gəmi 1972-ci ildə tikilib. O, həmçinin Xəzər dənizindəki buruq və dərinsulu platformalara yanacaq və qida məhsullarının nəqli ilə məşğul olur.
