Azərbaycan, Bakı, 20 may / Trend , müxbir E.İsmayılov /
Cari ilin yanvar-aprel ayları ərzində Rusiyanın Novorossiysk Qara dəniz limanı təqribən 14,6 milyon ton neft aşırıb. Ötən ilin analoji dövründə bu rəqəm 14 milyon təşkil edib, limanın rəsmi saytında yayılmış məlumatda deyilir.
Yanvar-aprel ayları ərzində liman vasitəsilə 4,2 milyon ton neft məhsulları aşırılıb ki, ötən ilin analoji dövründə bu rəqəm 3,5 milyon tondan artıq olmayıb.
Cari ilin yanvar-aprel ayları ərzində liman vasitəsilə cəmi 28 milyon ton müxtəlif yük aşırılıb ki, ötən il bu rəqəm 25,3 milyon tona bərabər olub.
Novorossiysk limanı vasitəsilə SOCAR da (Azərbaycan Respublikası Dövlət Neft Şirkəti) öz neftinin aşırmasını həyata keçirir. Yanvar-aprel ərzində Bakı-Novorossiysk Şimal boru kəməri vasitəsilə SOCAR 834 min ton neft ixrac edib ki, ötən ilin analoji dövründə bu rəqəm 224 min tona yaxın olub.
2009-cu ildə SOCAR Bakı-Novorossiysk boru kəməri vasitəsilə ixrac ediləcək neftini 2,5 milyon tona qədər artırmaq niyyətindədir. Ötən il sözügedən istiqamətdə neft ixracı 1,3 milyon ton təşkil edib.
Novorossiysk Qara dəniz limanında neft aşırması üzrə cədvəl:
|
Yanvar-aprel 2009 |
Yanvar-aprel 2008 |
Fərq |
||
|
min ton |
min ton |
% |
||
|
Ümumi yük dövriyyəsi |
28 251,2 |
25 334,4 |
2 916,8 |
11,5 |
|
Maye yüklər (cəmi) |
18 993,4 |
17 718,6 |
1 274,8 |
7,2 |
|
Xam neft |
14 582,7 |
13 847,4 |
735,4 |
5,3 |
|
Neft məhsulları |
4 224,2 |
3 530 |
694,2 |
19,7 |