Azərbaycan, Bakı, 23 may / Trend , müxbir E.İsmayılov /
"Bu ilin sonuna qədər SOCAR Qaradağ yeraltı qaz anbarının fəal genişləndirliməsini başa çatdırmağı planlaşdırır", - SOCAR-ın birinci vitse-prezidenti Xoşbəxt Yusifzadə deyib. Birinci mərhələ çərçivəsində anbara qaz doldurulmasının həcmi 1,4 milyard kubmetrə çatdırılacaq. Hazırda bu rəqəm 500 milyon kubmetrdir
"Oktyabrda yeni kompressorlar alacağıq və bu prosesi ilin sonuna qədər başa çatdırmağı planlaşdırırıq", - Yusifzadə bildirib.
Qaz anbarının genişləndirilməsi üçün qaz kompressoru stansiyası tikilir. Çünki anbardakı quyuların sayı çox olduğundan böyük həcmdə qaz vurulması çətinləşir.
İkinci genişləndirmə mərhələsi çərçivəsində onun fəal həcminin 2,4 milyard kubmetrə çatdırılması planlaşdırılır. İkinci mərhələnin realizəsi birincinin bitimindən sonra başlayacaq.
Azərbaycanda iki qaz anbarı var - Qaradağ və Kalmaz. Sonuncunun fəal gücü 1,1 milyard kubmetr qazdır.
Yeraltı qaz anbarları qaz qalıqlarının yay aylarında saxlanılması və onların qışda istifadə olunması üçün nəzərdə tutulub.
2008-2009-cu payız-qış dövründə yeraltı qaz anbarlarına 1,4 milyard kubmetr qaz vurulub.
2009-2010-cu payız-qış mövsümü üçün yeraltı anbarlara qaz vurulması artıq başlayıb. "Anbarlara vurulan qazın sutkalıq həcmi 6-7 milyon kubmetrdir", - bir müddət əvvəl "Azəriqaz" QSC-nin başçısı Əlixan Məlikov deyib.
Məqalə müəllifi ilə əlaqə ünvanı: [email protected]
