Azərbaycan, Bakı, 02 may / Trend /
"2009-cu ilin birinci rübü ərzində SOCAR özünün Kulevidəki (Gürcüstan) Qara dəniz terminalı vasitəsilə 411 min ton neft məhsulu nəql edib", - rəsmi mətbuata müsahibəsində SOCAR prezidenti Rövnəq Abdullayev deyib.
Ötən il bu terminaldan 1,4 milyon ton neft məhsulu ötürülüb.
Abdullayevin sözlərinə görə, gələcəkdə terminal vasitəsilə neft ixracının həcmini artırmaq üçün dəmiryol infrastrukturunun yenidən qurulması planlaşdırılır.
2009-cu ildə bu terminaldan neft ixracı həcminin 8-10 milyon ton olması gözlənilir.
Kulevidəki neft terminalı ötən il mayın 16-da istifadəyə verilib.
Terminalın ümumi buraxılış gücü ildə 10 milyon ton neft məhsuludur. Buraya 3 milyon ton neft, 3 milyon ton dizel yanacağı, 4 milyon ton mazut daxildir. O, eyni zamanda 168 vaqon-sistern qəbul edə bilər. Rezervuar parkının ümumi həcmi 320 min kubmetrdir. İki il ərzində terminalın buraxılış gücünü 15-20 milyon tona qədər artırmaq gözlənilir.