Azərbaycan, Bakı, 03 iyun / Trend , müxbir Т.Cəfərov /
Trend -ın Iran offshore engineering and construction-nın baş layihə mühəndisi Əbu Muhammed Tavakoli ilə müsahibəsi
- Yeni "Iran Alborz" qazma qurğusuna hansı ümidləri bəsləyirsiniz?
- "Iran Alborz"-ın qurulması suyun dərinliyinin min metrdən çox olması halında dərin kəşfiyyat quyularının qazılması üçün lazımdır. Qurğu tamamilə hazırdır və istismara verilmə mərhələsindədir. "Iran Alborz" qazma qurğusu Xəzərin İrana aid hissəsində qurulacaq.
Bununla yanaşı, hazırda biz platformaların tikintisi məqsədi ilə tikinti meydançalarının yaradılması üzrə Qazaxıstanla da danışıqlar aparırıq.
- Azərbaycanla əməkdaşlığın hansı perspektivlərini görürsünüz?
- Biz Azərbaycan şirkətləri ilə əməkdaşlıq perspektivlərini müzakirə edirik. Birlikdə təcrübə, texnologiya və innovasiya mübadiləsi sahəsində işləmək istəyirik.
- Sizin şirkət fəal şəkildə "Cənubi Pars" layihəsinə cəlb edilib. Bu qaz layihəsi çərçivəsində yeni sifarişlər varmı?
- Həqiqətən də biz "Cənubi Pars" layihəsinin 1,9,10,15,16,17,18-ci mərhələləri üzrə xeyli iş görmüşük. Məsələn, platforma və dirəklər tikmişik, dənizin dibi ilə boru kəmərləri salmışıq. Bu yaxınlarda "Cənubi Pars" layihəsinin 20 və 22-ci mərhələlərində işlər aparmaq üzrə müqavilə imzalamışıq.
Məqalə müəllifi ilə əlaqə ünvanı: [email protected]