Azərbaycan, Bakı, 05 iyun / Trend , müxbir E.İsmayılov /
Azərbaycanın SOCAR (Azərbaycan Dövlət Neft Şirkəti) və Rusiyanın "Qazprom" şirkətləri uzunmüddətli qaz tədarükü məsələlərini müzakirə ediblər. SOCAR prezidenti Rövnəq Abdullayevin və "Qazprom" ASC-nin sədri Aleksey Millerin görüşü Sankt-Peterburqda XIII Beynəlxalq İqtisadi Forum çərçivəsində keçirilib. Bu barədə "Qazprom"un məlumatında deyilir.
Görüş çərçivəsində qeyd edilib ki, tərəflər Azərbaycan qazının uzunmüddətli tədarükü sahəsində əməkdaşlıq perspektivlərini yüksək qiymətləndirilər.
"Ölkələrimiz arasında tarixən əlaqələrlə yanaşı, vahid qaz nəqli sisteminin olması da bizi hər zaman bir-birimizə bağlayıb. Yaxın zamanlarda Azərbaycan qazının tədarük edilməsinə başlanılması üçün bütün imkanlarımız var. Əməkdaşlığımız energetika sahəsində qarşılıqlı münasibətlərin uğurlu inkişafını təmin edir", - deyə Miller qeyd edib.
Məqalə meüəllifi ilə əlaqə ünvanı: [email protected]
