Azərbaycan, Bakı, 23 iyun / Trend , müxbir İ.Xəlilova /
Asiya İnkişaf Bankı (AİB) iyulun 1-dən etibarən Azərbaycana məsləhətçi Randel Beykeri iqlim dəyişiklikləri ilə əlaqədar məsələrin araşdırılması üçün göndərir. Bu barədə çərşənbə axşamı AİB-in Bakı nümayəndəliyinin iqtisadiyyatçısı Rəfayel Abbasov bildirib.
"Onun vəzifəsi ay ərzində sektorda analizlərin aparılması, atmosferə atılmış karbon qazının nəticəsində dəyişikliyə məruz qalmış iqlimin vəziyyətinin qiymətləndirilməsidir", - Abbasov bəyan edib.
Bu araşdırmalar (Mərkəzi Asiya, Qafqaz, Əfqanıstan və Pakistan) 10 ölkəyə texniki yardımı nəzərdə tutur.
AİB apreldə 10 ölkədə iqlim dəyişikliklərinin qiymətləndirilməsi üçün 5 milyon dollar vəsait ayırıb və bunun 1 milyon dolları Azərbaycan üçün nəzərdə tutulub.
Azərbaycan banka ərizə verən ilk ölkədir və araşdırılmaların aparılması üçün yardımın qəbul edilməsinə razılıq verib. AİB Azərbaycanın mövcud məsələni həll etməyə hazır olduğunu yüksək qiymətləndirib.
İqlim dəyişikliklərinin qiymətləndirilməsi Azərbaycanın ekologiya strategiyası çərçivəsində həyata keçiriləcək.
Məqalə müəllifi ilə əlaqə ünvanı: [email protected]
