Azərbaycan, Bakı, 22 iyul / Trend /
ARDNŞ-də struktur dəyişikliyi həyata keçirilib. Bu barədə çərşənbə günü ARDNŞ-dən verilən məlumatda deyilir.
ARDNŞ prezidneti Rövnəq Abdullayevin göstərişinə əsasən, ARDNŞ-nin tabeliliyinə verilmiş "Azəriqaz" QSC-nin (qazın paylanması və satışı) bazasında "Azəriqaz" İstehsalat Birliyi yaradılıb. İB-nin rəhbəri vəzifəsinə bir müddət əvvəl "Azneftyağ"-ın direktoru olan Əkbər Hacıyev təyin edilib.
ARDNŞ rəhbərinin digər əmrinə əsasən, "Azneftyağ" NEZ-in direktoru vəzifəsinə direktor müavini Rövşən Həsənov təyin olunub.
Eləcə də əmrə əsasən, ARDNŞ-nin Qaz Əməliyyatları İdarəsininin adı dəyişdirilərək Qaz İxracı İdarəsi adlandırılıb. ARDNŞ-nin iki institutu - "Neftqazlayihə" və Elmi-Tədqiqat İnstitutu birləşdirilərək "Neftqazelmitədqiqatlayihə" İnstitutu yaradılıb.
