Azərbaycan, Bakı, 24 iyul / Trend /
"Azərkimya" Dövlət Kimya Şirkəti dünyanın 30-dan çox ölkəsinə onlarla adda yüksək keyfiyyətli kimyəvi məhsul ixrac edir. Bu barədə şirkətin məlumatında deyilir.
Yeni kimyəvi məhsullar istehsalı yönündə görülən işlər gələcəkdə Azərbaycanı kimyəvi məhsulların həcmi və sayına görə lider ölkələrdən birinə çevirəcək.
Məlumatda deyildiyi kimi, neftkimya məhsullarının istehsalı üzrə yeni kompleksin yaradılması və ən müasir texnologiyalarla gübrələnmə üzrə iş bu gün bir çox aparıcı neftkimya şirkətlərinin diqqət mərkəzindədir.
Son iki il ərzində yeni komleksə dair gərəkli sənədlər bütün prosedur qaydalarına müvafiq olaraq dünyanın öndə gedən şirkətləri ilə birgə hazırlanıb və beynəlxalq banklar və investorlar tərəfindən qəbul edilib.
