Azərbaycan, Bakı, 14 avqust / Trend /
Ekol Mühəndislik Xidmətləri QSC "Qara şəhər"də yerləşən "Azneftyağ" neft emalı zavodunun (NEZ) 19 sylı sexində yığılmış neft şlamlarının daşınması və emalını planlaşdırır. Bu barədə QSC-nin məlumatında deyilir. NEZ ARDNŞ-in (Azərbaycan Respublikası Dövlət Neft Şirkəti) tərkibindədir.
Bu layihənin həyata keçirilməsi ətraf mühitə, xüsusən də paytaxtın bu hissəsinə mənfi təsiri əhəmiyyətli dərəcədə azaltmağa imkan verəcək.
Müqavilə çərçivəsində "Ekol" yığılmış neft şlamlarının daşınmasını və onun emalını təmin etməli olan podratçı kimi çıxış edir. Müqavilə çərçivəsində QSC avqsutda təxminən 26 min ton neft şlamını daşıyıb və xüsusi yerlərdə yerləşdirib. Yaxın günlərdə artıq yerləşdirilmiş şlamların yenidən işlənməsinə başlanılacaq.
2006-cı ili martında Abşeron yarımadasının ekoloji problemlərini həll etmək məqsədilə yaradılan "Ekol" QSC-nın təsisçiləri ARDNŞ (51 faiz) və "Lancer S.A. Services"-dir (49 faiz).