Azərbaycan, Bakı, 14 avqust / Trend /
ARDNŞ (Azərbaycan Respublikası Dövlət Neft Şirkəti) yanvar-iyul aylarında Bakı-Supsa qərb boru kəməri marşrutu ilə "Azəri-Çıraq-Günəşli" ("AÇG") yatağından çıxarılan 1,7 milyon tondan çox yüngül neft ixrac edib. Bu barədə ARDNŞ-in Marketinq və İqtisadi Əməliyyatlar İdarəsinin məlumatında deyilir.
2008-ci ildə bu boru kəməri ilə ümumilikdə 407,1 min ton neft nəql edilib. 2007-ci ildə təmir işlərinin aparılmasına görə bu istiqamətdə boru kəmərinə neft yüklənməyib.
Bakı-Supsa qərb boru kəməri marşrutu ilə təmir işlərinin aparılması ilə əlaqədar olaraq 2006-cı ilin noyabrından neft icraxı həyata keçirilməyib. Bu ilin yanvarında dəmir yolu ilə Gürcüstanın Batumi Qara dəniz limanı istiqamətində neft ixrac edilməyib.
Bakı-Supsa boru kəmərinin operatoru BP-dir. Bu boru kəməri ilə neft nəqli 2008-ci il noyabrın əvvəlində bərpa olunub.
Boru kəmərində təmir 2006-cı ilin sonlarından başlayıb. 2008-ci ilin ortalarında bu boru kəmərinə neft doldurulmasına başlanılıb. Lakin gürcü-osetin münaqişəsinə görə bi proses yenidən dayandırılıb.
Yanvar-iyul aylarında ARDNŞ dəmir yolu ilə Gürcüstanın Batumi limanı vasitəsilə neft ixrac etməyib.
2008-ci ildə bu marşrutla "AÇG" yatağından 2007-ci ildəki 221,2 min tona qarşı 326,03 min ton neft daşınıb.