Qazaxıstan, Astana, 26 avqust / Trend , müxbir K.Konırova /
"Rusiya Avropanın enerji ilə təmin olunmasında vacib tərəfdaş olaraq qalır", - çərşənbə günü Trend -ın xüsusi müxbirinə, Astanada ABŞ Dövlət Departamentinin Avrasiya energetikası üzrə xüsusi nümayəndəsi Riçard Morninqstar deyib.
"Mən hesab edirəm ki, diversifikasiya üzrə Avropa siyasəti getdikcə daha səmərəli olur və (Rusiya və Ukrayna arasındakı) qaz böhranı onu problemlərin həlli üçün mobilizə olmağa məcbur edib. Yazda təklif olunan tədbirlər paketi dəstək alır", - Morninqstar bildirib.
"Bu gün Avropaya qaz tədarükü və onun enerji təhlükəsizliyinin təminatı üzrə xeyli sayda nəqliyyat yolları mövcuddur. Bu, "Nabukko" və "Türkiyə-Yunanıstan-İtaliya" marşrutunu özündə ehtiva edən layihələrdir. Bütün neft layihələri də vacibdir", - ABŞ Dövlət Departamentinin xüsusi nümayəndəsi deyib.
"Bununla yanaşı, Avropanın bərpaolunan enerji mənbələrinin inkişafı və istifadəsini dəstəkləməkdə davam etməsi də vacibdir", - Morninqstar qeyd edib.
Məqalə müəllifi ilə əlaqə ünvanı: [email protected]
