Türkmənistan, Aşqabad, 29 avqust / Trend , müxbir H.Həsənov /
Xəzəryanı şəhər Türkmənbaşının neft emalı zavodları kompleksinin yenidən qurulmasına 1,6 milyard dollardan çox vəsait yatırılıb, bu barədə Türkmənistan Prezidenti Qurbanqulı Berdımuhəmmədov Antalyada (Türkiyə) investisiya forumundan bir gün öncə çıxış edərkən bildirib.
Dövlət başçısının sözlərinə əsasən, polipropilen, sürtkü yağları, Türkmənistanın neft-kimya flaqmanında hazırlanan duru yanacağın müxtəlif növləri xarici istehlakçılar tərəfindən böyük tələbatla istifadə olunur.
Rəsmi Türkmənistan mənbəsinin bildirdiyi kimi, Türkmənistan hər il təxminən 10 milyon ton neft hasil edir, onun böyük hissəsi ölkə daxilində emal edilir. Ölkənin şərq regionunda yerləşən Seydi şəhərində neft emalı zavodunun yenidən qurulmasına hazırlıq gedir.
Bundan başqa, Xəzərin Türkmənistan şelfində beynəlxalq tenderə 12 milyard ton neft və 6,2 trilyon kubmetr qaz ehtiyatlarına malik 32 lisenziyalı blok çıxarılıb.
Məqalə müəllifi ilə əlaqə ünvanı: [email protected]
