Azərbaycan, Bakı, 02 sentyabr / Trend , müxbir E.İsmayılov /
Çətin geoloji və seysmoloji xüsusiyyətlərinə baxmayaraq, Xəzər dənizinin Azərbaycan sektorundakı "Ümid" perspektivli qaz-kondensat strukturunda ilk kəşfiyat quyusunun qazılması sürətli templərlə aparılır. Bu barədə ARDNŞ-dəki (Azərbaycan Respublikası Dövlət Neft Şirkəti) mənbə deyib.
Bu, ARDNŞ-in son 15 il ərzində müstəqil apardığı ilk kəşfiyyat qazmasıdır. "Ümid" perspektivli strukturunda ehtimal edilən qaz ehtiyatı ARDNŞ-in geoloqları tərəfindən 300 milyard kubmetr, qaz-kondenst ehtiyatı isə 30-40 milyon ton civarında qiymətləndirilir.
"Bu struktur çətin seysmik və geoloji quruluşla fərqlənir. Buna baxmayaraq, kəşfiyyat quyusunun qazılması kifayət qədər yaxşı templərlə gedir", - mənbə deyib.
Strukturda qazma işlərinin bir neçə həftə əvvəl başlamasına baxmayaraq, aparılmış qazmanın kifayət qədər yüksək həcmi yuxarı qatın daha yumşaq və yüngül keçilə bilən olması ilə izah edilir.
Mənbənin dediyi kimi, kəşfiyyat qazması çərçivəsində 6500 metr layihə dərinliyindən artıq 1200 metrdən çox yer qazılıb. Hazırda kəşfiyyat quyusunun qazılmasını ARDNŞ-in "Bayıl Limanı" Kəşfiyyat Qazıma İdarəsi həyata keçirir.
Lakin yaxın zamanlarda bu idarə strukturda qazma işlərini bu yaxınlarda yaradılmış "Sahil" Dərin Qazıma İşləri İdarəsinə təhvil verməlidir. "İşlər yeni idarəyə idarənin strukturu tam formalaşdırılandan sonra veriləcək", - mənbə əlavə edib.
Bir müddət əvvəl ARDNŞ "Ümid-1" platformasının inşasını başa çatdırıb. Bu platformada kəşfiyyat qyusunun qazılması həyata keçirilir. "Ümid-1" platforması tikilib başa çatdırılmamış "Çıraq-6" platformasının bazasında yaradılıb. "Çıraq-6" proqram çərçivəsində ən iri obyektdir. Onun hündürlüyü 72 metrdir. Platforma 58 metr dərinlikdəki "Bulla-dəniz" yatağının 15 km-də yerləşir. Ümumilikdə platformada 6 qaz quyusunun qazılması planlaşdırılır.
Məqalə müəllifi ilə əlaqə ünvanı: [email protected]