Azərbaycan, Bakı, 02 sentyabr / Trend , müxbir E.İsmayılov /
ARDNŞ donma temperaturu -15 dərəcə olan TB1500 markalı transformator yağının (elektroenergetikada istifadə edilən) istehsalı üçün yeni texniki şərtləri gözdən keçirir, çərşənbə günü Y.H.Məmmədəliyev adına Neft-Kimya Prosesləri İnstitutundan deyilib. İnstitutda həm də bu növ neft məhsulu üçün yeni texniki şərtlər hazırlanıb.
"Bu istiqamətdə işlər davam etdirilir, hazırda bu sənəd Azərbaycan Dövlət Neft Şirkətində razılaşdırılır", - mənbə deyib.
Onun sözlərinə görə, bu normativ sənəd artıq ölkənin Ekologiya və Təbii Sərvətlər Nazirliyi ilə razılaşdırılıb. Bundan əvvəl sənədə Fövqəladə Hallar Nazirliyində və Səhiyyə Nazirliyində baxılıb.
TB1500 markalı transformator yağı üçün texniki şərtlər bu yağın istehsal edildiyi "Azərneftyağ" institutunda da gözdən keçirilib. Bu şərtlər energetiklərə də təqdim edilib, onlar bu məhsulun tətbiqinin mümkünlüyünü tətqiq ediblər. Əvvəllər donma temperaturu -45 dərəcə olan transformator yağından istifadə edilib.
Mənbənin dediyinə görə, yeni texniki şərtlərin hazırlanması zərurəti ARDNŞ-in institut qarşısında qoyduğu transformator yağının alternativ variantlarının tədqiqatının aparılması tapşırığından sonra yaranıb. Hazırda həmin markalı transformator yağı "Balaxanı" quru yatağından hasil edilən yüngül neftdən istehsal edilir. Lakin yataqda bu neftin hasilatı ildən ilə azalır. Həmin neftdən alınan neft məhsullarının donma temperaturu -70 dərəcəyə çatır. Transformator yağının donma temperaturu isə -45 dərəcə təşkil edir.
İnstitutda transformator yağının istehsalının alternativ variantlarının tədqiqatı nəticəsində təkibində az miqdarda parafin olan neft seçilib. Həmin neft "Neft daşları" dəniz yatağında hasil edilir.
Azərbaycanda neft məhsulları Bakının ümumi gücü ildə 20 milyon ton neft olan iki Neft Emalı Zavodunda (NEZ) istehsal edilir. Hər iki NEZ ARDNŞ-ə məxsusdur. Onlar hər il şəxsi vəsait hesabına quru və dəniz yataqlarından hasil edilən yeddi milyon tondan çox neft emal edirlər.
Məqalə müəllifi ilə əlaqə ünvanı: [email protected]
