Azərbaycan, Bakı, 17 sentyabr / Trend , müxbir E.İsmayılov /
ARDNŞ şəriki olduğu "Petkim" Neft-Kimya Kompleksinin yaxınlığında yerləşəcək neft emalı zavodunun (NEZ) inşası layihəsini nəzərdən keçirir. Bu barədə ARDNŞ-nin yüksək vəzifəli nümayəndəsi deyib.
"Zavodun inşası üzrə plan hələlik qalıb", - o deyib.
Onun sözlərinə görə, zavodun inşası barədə danışmaq bazarda aparılan dərin analizlərdən sonra mümkün olacaq. Neftin tərkibi, borukəmərlərinin, dəmiryollarının və gəmi nəqliyyatının daşıma gücü öyrənilməli, bundan sonra qərar verilməlidir. "Buna görə də qərarın nə vaxt qəbul ediləcəyi və zavodun nə vaxt inşa ediləcəyi barədə dərhal söz demək mümkün deyil", - o əlavə edib.
ARDNŞ-nin digər yüksəkvəzifəli şəxsinin əvvəllər dediyinə görə, ilkin dəyərləndirmə üzrə həmin NEZ-in inşası üçün zəruri olan investisiyanın həcmi 3 milyard dollar dəyərində proqnozlaşdırılıb, "ancaq bu sadəcə proqnozdur, son rəqəmə təsir edə biləcək bir çox faktorlar var".
İnvestisiyanın həcmi həmçinin zavodun istehsal gücündən də asılı olacaq. Hazırda yeni zavodun ilkin layihə gücü il ərzində təxminən 8-10 milyon təşkil edir.
Əvvəllər ARDNŞ Türkiyədə NEZ inşasının iki variantını gözdən keçirib. Onlardan biri Ceyhanda, digəri isə "Petkim"in yaxınlığında yerləşməli idi. Hazırda isə Neft-Kimya Kompleksinin yaxınlığındakı NEZ-in inşası prioritetdir.
Zavod "Petkim"in xammal ehtiyacını təmin edəcək. Digər neft məhsulları isə yerli bazarda və dünya bazarında satılacaq. Zavodun inşası üçün təxminən 3-4 il vaxt lazımdır.
Əvvəllər ARDNŞ Turcas Petrol/Injaz Projects ilə alyansda "Petkim" kimya konserninin 51 faizlik paket aksiyası üzrə tenderin qalibi olub. Şirkət bu paket üçün 2,04 milyard dollar təklif edib. Hazırda Türkiyə zəruri kimyəvi məhsulların 70-75 faizini ixrac edir, SOCAR/Turcas/Injaz-ın "Petkim"in inkişafında investisiyası isə məhsulun ixracını 30 faizədək azaltmağa imkan verir.
Petkim Petrokimya Holding Türkiyədə bənzər məhsulların yeganə istehsalçısı olmaqla plastik qablaşdırmalar, parça və yuyucu vasitələr istehsal edir. Şirkət məhsulların 1/4-ni ixrac edir.
Məqalə müəllifi ilə əlaqə ünvanı: [email protected]
