Azərbaycan, Bakı, 1 oktyabr / Trend , müxbir Ü.İsmayılova/
ARDNŞ-ın "Azəriqaz" İstehsalat Birliyi bu gündən etibarən öz qazının yenidən İrana tədarükünə başlamaq niyyətindədir, İB-nin baş direktorunun müavini Nazim Səmədzadə cümə axşamı deyib.
Tədarük Astaradakı qazpaylayıcı stansiyada aparılan təmir işlərindən sonra yenidən bərpa olunur.
Səmədzadənin sözlərinə görə, payız-qış dövründə "Azəriqaz" sutkada bir milyon kubmetr Azərbaycan qazını Naxçıvan Muxtar Respublikasına da tədarük etmək niyyətindədir.
Azərbaycan İrana "svop" əməliyatı çərçivəsində qaz tədarük edir. İİR, öz növbəsində Naxçıvan Muxtar Respublikasına yanacaq tədarük edir.
Məqalə müəllifi ilə əlaqə ünvanı: [email protected]
