Azərbaycan, Bakı, 02 oktyabr / Trend , müxbir E.İsmayılov/
Yanvar-avqust aylarında SOCAR Georgia Gas (SOCAR Energy Georgianın törəmə müəssisəsi) Gürcüstan bazarında 75 milyon kubmetr məişət qazı satışını həyata keçirib. Bu barədə cümə günü SOCAR Georgia Gas-ın rəhbəri Anar Məmmədov bildirib. SOCAR Energy Georgia ARDNŞ-nin törəmə müəssisəsidir.
"Avqust ayında Gürcüstan bazarında şirkət tərəfindən 10 milyon kubmetr məişət qazının satışı həyata keçirilib", - o bildirib.
Məmmədovun qeyd etdiyi kimi, proqnoz qiymətlərinə əsasən, dörd ay ərzində Gürcüstan bazarına 55-60 milyon kubmetr məişət qazının tədarük olunması planlaşdırılır.
SOCAR Energy Georgia Gürcüstan bazarında neft və neft məhsullarının distrubüsiyası və marketinqi ilə məşğul olur. Şirkət əsasən Gürcüstan bazarında neft məhsulları və qaz satır. SOCAR Georgia-nın həmtəsisçisi ARDNŞ (51 faiz), Petro-Trans FZCO (32,7 faiz) və İvan Çxartişvililidir (16,3 faiz).
Məqalə müəllifi ilə əlaqə ünvanı: [email protected]