Azərbaycan, Bakı, 05 oktyabr / Trend , müxbir E.İsmayılov/
Yaxın zamanda ARDNŞ və Gazprom Germania ZMB GmbH "Neft Daşları" neft-qaz hasilatı idarəsi məntəqələrində aşağı təzyiqli səmt qazlarının istifadəsi layihəsinin həyata keçirilməsinə yardım göstərilməsi çərçivəsində "Xidmət göstərilməsi barədə" müqavilə imzalayacaqlar, bu barədə ARDNŞ-dakı mənbədən bildirilib.
"Hazırda danışıqlar aparılır və yaxın zamanda müqavilə imzalanacaq", - mənbə bildirib.
Onun sözlərinə əsasən, bu layihənin həyata keçirilməsi çərçivəsində Gazprom Germania texniki yardım göstərəcək və yoxlama keçirəcək. Bu layihə "Neft Daşları" və "Sönmüş palçıq vulkanı" yatağı ərazisində səmt qazlarının toplanmasını nəzərdə tutur.
İki şirkət arasında bu müqavilə artıq yayda müzakirə olunub və nəzərdən keçirilib. Müzakirələr Gazprom Germania şirkətinin ekspertləri Devid Qraeb və Erik Veyqeltin Bakıya səfəri zamanı baş tutub. Səfər zamanı həmçinin layihənin təmiz inkişaf mexanizmi çərçivəsində həyata keçirilməsinin davam etdirilməsi imkanlarının qiymətlədirilməsi keçirilib, bu barədə ARDNŞ-ın ekologiya idarəsinin məlumatında deyilir.
Bu layihə təklifi Almaniya şirkətinə ARDNŞ tərəfindən hələ 2008-ci ildə edilib. ARDNŞ və Gazprom Germania arasında məxfilik barədə müqavilə imzalanıb.
Məqalə müəllifi ilə əlaqə ünvanı: [email protected]