Azərbaycan, Bakı, 5 oktyabr / Trend , müxbir E.İsmayılov/
2010-cu ilin sonunda Veritas sertifikasiya bürosu "Günəşli" yatağının dayaz hissəsində yeni kompressor stansiyasında validasiya prosesini (qiymətləndirmə) başa çatdıracaq, bu haqda bazar ertəsi ARDNŞ-dən mənbə deyib.
"Stansiyada tikinti işləri davam edir. İşlər ilin sonuna başa çatacaq. Gələn ilin əvvəlində isə Veritas bürosu bu obyektin validasiya prosesini başa çatdıracaq", - mənbə belə deyib.
Əvvəllər ARDNŞ-dən başqa mənbənin dediyinə görə, yeni stansiyanın inşaatı çərçivəsində kompressorların qurulması artıq başa çatıb. Hazırda inşaat işləri son mərhələdədir. Bu mərhələyə kabellərin bərkidilməsi, zəruri avadanlığın, həmçinin birləşdirici boruların quraşdırılması daxildir.
"Günəşli-4" platformasında yeni kompressor stansiyasının quraşdırılması nəticəsində aşağı təyziqli qazların atmosferə atılması 90 faiz azalacaq, ARDNŞ-ın ekologiya üzrə vitse prezidenti Muxtar Babayev əvvəllər belə deyib.
ARDNŞ "Günəşli" yatağından aşağı təzyiqli səmt qazının toplamaq niyyətindədir. Bu qaz sıxılmadan sonra Azərbaycanın qaz emalı zavoduna və ya milli qaznəqliyyatı sisteminə göndəriləcək və abunəçilərə paylanacaq. Bu qazın nəqli üçün quruda artıq boru kəmərləri yarləşdirilib.
Əvvəllər bu qaz infrastrukturun çatışmaması səbəbilə atmosferə buraxılırdı ki, bu da ətraf mühitə böyük ziyan vururdu. Lazımi infrastukturun yaradılması və bu layihənin reallaşmasının dəyəri 150 milyon dollardır.
Tullantıların həcmi ildə 150-250 milyon kubmetr arasında dəyişir.
Məqalə müəllifi ilə əlaqə ünvanı: [email protected]
