Azərbaycan, Bakı, 17 oktyabr / Trend /
Yanvar-sentyabr aylarında Bakıda elektrik enerjisindən istifadəyə görə yığımlar 88,8 faiz təşkil edib, bu barədə "Respublika" qəzetindən dərc olunan ümumi cədvəldə qeyd olunur. Sentyabrda bu göstərici 92,8 faiz səviyyəsinə çatıb.
Hesabata əsasən, elektrik enerjisindən istifadəyə görə yanvar-sentyabr aylarında maksimum yığım Bakının Nizami rayonunda 98,6 faizə çatıb. Bu göstərici paytaxtın Sabunçu rayonunda 73,5 faiz təşkil edib. Sentyabrda maksimum yığım 106,8 faiz səviyyəsində Bakının Nərimanov rayonunda müşahidə olunub. Bakının Binəqədi rayonunda bu göstərici 72,3 faiz təşkil edib.
Yanvar-sentyabrda elektrik enerjisindən istifadəyə görə bütün ölkə üzrə maksimum yığım Hacıqabul rayonunda - 112,2 faiz təşkil edib. Yığımlar üzrə minimum göstərici Ağdam rayonunda 69,7 faiz səviyyəsində müşahidə edilib.
Ümumilikdə yanvar-sentyabr aylarında ölkə üzrə elektrik enerjisindən istifadəyə görə yığımlar 88,2 faiz təşkil edib, bu göstərici sentyabr ayında 92,9 faizə bərabər olub.
