Azərbaycan, Bakı, 07 noyabr / Trend /
Yanvar-oktyabr aylarında ARDNŞ-nin tərkibinə daxil olan "Heydər Əliyev adına Bakı Neft Emalı Zavodu" 88,1 min ton neft koksu istehsal edib. Bu göstərici 2008-ci ilin analoji dövründə 153 min ton təşkil edib. Bu barədə ARDNŞ-dən bildirilib.
Oktyabrda ARDNŞ tərəfindən 14 min ton neft koksu istehsal olunub.
2008-ci ildə Bakı Neft Emalı Zavodu 168,93 min ton koks istehsal edib. 2007-ci ildə bu göstərici 84,74 min ton təşkil edib.
2006-cı ildə 67,24 min ton neft koksu istehsal olunub. 2005-ci ildə müəssisədə neft koksu istehsal olunmayıb. Azərbaycanda istehsal olunan neft koksunun əsas istehlakçıları Rusiyanın alüminium zavodlarıdır.