Azərbaycan, Bakı, 16 noyabr / Trend , müxbur E.İsmayılov/
2008-ci ildə ARDNŞ 2007-ci ildə hasil edilən 8,8 milyon tona nisbətdə 8,65 milyon ton neft hasil edib. Hesabatda deyilir ki, neft hasilatının təbii azalması 1,7 faiz təşkil edib.
2008-ci ildə şirkət tərəfindən hasil edilən neftin ümumi həcminin 7,4 milyon tondan çoxu "Azneft" İstehsalat Birliyinin payına düşüb. 2007-ci ildə bu göstərici 7,53 milyon ton olub.
Birgə müəssisələr (BM) və əməliyyat şirkətləri (ƏŞ) tərəfindən 2008-ci ildə 1,24 milyon tona yaxın neft hasil edilib. 2007-ci ildə bu göstərici 1,3 milyon ton olub.
2008-ci ildə ARDNŞ tərəfindən 2007-ci ildə hasil edilən 6 milyard kubmetrə yaxın qaza nisbətdə 7,75 milyon kubmetr qaz hasil edilib.
2008-ci ildə ARDNŞ-nin hasil etdiyi qazın ümumi həcminin 7,65 milyard kubmetri "Azneft" İB-nin payına düşüb. 2007-ci ildə bu göstərici 5,8 milyard kubmetr olub. 2008-ci ildə BM və ƏŞ 2007-ci ildə hasil edilən 173,7 milyon kubmetrə nisbətdə 106,6 milyon kubmetr qaz hasil ediblər.
Hazırda şirkət 41-i quruda, 18-i isə dənizdə yerləşən 59 neft-qaz yatağını işlədir.
Məqalə müəllifi ilə əlaqə ünvanı: [email protected]