...

ARDNŞ yanvar-oktyabrda altı milyard kubmetrdən artıq qaz əldə edib

Energetika Materials 25 Noyabr 2009 16:30 (UTC +04:00)

Azərbaycan, Bakı, 25 noyabr / Trend /

ARDNŞ-nin Neft-Qaz Çıxarma idarələri ölkənin offşor və onşor yataqlarından 44,7 milyon bareldən çox (6 milyon tona yaxın) neft hasil ediblər. Bu barədə ARDNŞ-nin məlumatunda deyilir.

Xarici şirkətlərlə birgə layihələrdən əldə edilən neftin həcmindən ARDNŞ-nin payına 11,3 milyon barel neft düşür. Bu həcmdən 1,5 milyon barelə yaxın neft əməliyyatı şirkətlərinin payına, 9 milyon barelə yaxın AÇQ layihəsinin payına, 112 min ton isə "Şahdəniz" yatağından çıxarılan qaz-kondensatın payına düşür.

Yanvar-oktyabr aylarında ARDNŞ 6,1 milyard kubmetr qaz əldə edib. ARDNŞ-nin Neft-Qaz Çıxarma idarələri bu dövr ərzində 5,7 milyard kubmetrə yaxın qaz hasil ediblər. Quruda qaz hasil edən birgə müəssisələr və əməliyyat şirkətləri yanvar-oktyabr aylarında ARDNŞ-yə 54,67 milyon kubmetr qaz veriblər.

Azərbaycan Beynəlxalq Əməliyyat Şirkəti (ABƏŞ) yanvar-oktyabr aylarında "Azəri-Çıraq-Günəşli" yataqlarından 3,33 milyard kubmetrə yaxın səmt qazı hasil edib.

Azərbaycanda 57 neft-qaz yatağı var. Bunlardan 18-i dənizdə, qalanları isə quruda yerləşir.

Xəbər lenti

Xəbər lenti