Azərbaycan, Bakı, 25 noyabr / Trend /
Azərbaycan "Şahdəniz" qaz-kondensat yatağından yanvar-oktyabrda 2008-ci ilin analoji dövründə əldə edilmiş təxminən 2,1 milyard kubmetr qaza nisbətdə təxminən 904,1 milyon kubmetr qaz əldə edib. Bu barədə ARDNŞ-dən bildirilib.
Bu dövr ərzində əldə edilmiş qazın ümumi həcminin 424,71 milyon kubmetri ARDNŞ-nin layihədəki payına düşür, qalan təxminən 479,41 milyon kubmetr qazı isə ARDNŞ alıb.
"Şahdəniz" yatağının işlənməsinə dair müqavilə 1996-cı il iyunun 4-də imzalanıb. Layihə iştirakçıları bunlardır: BP (operator) - 25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, ARDNŞ - 10 faiz.
Hazırda "Cənubi Qafqaz" boru kəməri vasitəsilə Gürcüstan və Türkiyəyə qaz nəql edilir. 2009-cu ildə "Şahdəniz" layihəsi üzrə "Mərhələ-2" çərçivəsində 7,2 milyard kubmetr qaz hasil ediləcək.
Bu yatağın işlənməsinin ikinci mərhələsi çərçivəsində illik 20 milyard kubmetrədək qaz hasil etmək planlaşdırılır.