Azərbaycan, Bakı, 13 yanvar / Trend E.İsmayılov/
Bu ilin yayında ARDNŞ (Azərbaycan Respublikası Dövlət Neft Şirkəti) və İran Milli İxrac Qaz Şirkəti (NIGEC) Azərbaycan qazının İrana tədarükü üzrə uzunmüddətli müqavilə imzalayacaq. Bu barədə çərşənbə günü ARDNŞ Prezidenti Rövnəq Abdullayev deyib.
Hazırda müqavilənin hazırlanması üzrə işlər aparılır. Müqavilənin imzalanmasınadək Azərbaycanda infrastrukturların müasirləşdirilməsi, Astaradakı qazkompressor stansiyasının genişləndirilməsi və Hacıqabul-Astara qaz kəmərinin təmiri üzrə işlər başa çatdırılacaq. Bu işlər 100 milyon manatdan çox dəyəri olan investisiya proqramı çərçivəsində həyata keçiriləcək.
Abdullayevin dediyi kimi, bu İrana sutkada üç milyondan beş milyon kub metrədək qaz ixrac etməyə imkan verəcək. Hazırda infrastrukturlar İrana sutkada 2,2 - 2,3 milyon kub metr qaz nəql etməyə imkan verir. Bu gün İrana tədarük edilən həmin həcmin sutkada 1 milyon kub metri, Naxçıvan Muxtar Respublikasını qazla təmin etmək üçün swap şərtləri ilə tədarük edilir.
Onun sözlərinə görə, Azərbaycanda qaz infrastrukturların yenidənqurama işləri bu ilin payızında başa çatdırılacaq, bundan sonra İrana qaz tədarükünün həcminin artırılması üçün imkan yarana bilər.
ARDNŞ rəhbərinin qeyd etdiyi kimi, uzunmüddətli müqavilənin imzalanması yayda gözlənilir. Uzunmüddətli müqaviləyə görə İrana ildə 1,5 milyard kub metr və daha çox Azərbaycan qazı tədarük edilə biləcək.
Azərbaycan və İranı uzunluğu 1474,5 km. olan Qazıməmməd-Astara-Bind-Biand qaz kəməri birləşdirir. Qaz kəmərinin Azərbaycan ərazisində olan hissəsinin uzunluğu 296,5 kilometrdir. Onun buraxıcı gücü ildə 10 mlrd. kubmetrdir. Bu marşrut 1971-ci ildə istismara verilən Qazax-Astara-İran boru kəmərinin qoludur. Onun üzərində Qazıməmməd, Ağdaş və Qazaxda üç kompressor stansiyası tikilib. Qaz nəqliyyatı sistemi 55 atm. təzyiqə hesablanıb. Boru kəmərinin diametri 1200 mm.-dir.
BP-nin məlumatına görə 2008-ci ildə İranda qaz hasilatı 117 milyard kub metr istehlak sayəsində 116,3 milyard kub metr təşkil edib.
Məqalə müəllifi ilə əlaqə ünvanı: [email protected]