Azərbaycan, Bakı, 21 yanvar / Trend /
Ötən ilin yanvar-noyabr aylarında Azərbaycana 58,2 mindən çox minik avtomobili idxal olunub ki, bu da 2008-ci ilin analoji göstəricisindən 28,3% azdır. Bu barədə Dövlət Statistika Komitəsindən məlumat verilib.
Komitənin məlumatına görə, yanvar-noyabr aylarında gətirilən minik avtomobillərinin ümumi dəyəri 414,1 milyon dollara yaxın təşkil edib ki, bu da 2008-ci ilin analoji göstəricisindən 30,6% azdır.
Azərbaycana yanvar-noyabr aylarında 5589 yük avtomobili idxal olunub ki, bu da 2008-ci ilin analoji göstəricisindən 45,9% azdır. Gətirilən avtomobillərin ümumi dəyəri 85 milyon dollara yaxın təşkil edir. Bu, 2008-ci ilin göstəricisindən 60,1% aşağıdır.
Həmçinin yanvar-noyabr aylarında respublikaya 884 avtobus idxal edilib ki, bu da 2008-ci ilin analoji gösəricisindən 38,7% aşağıdır. Bu dövrdə idxal edilən avtobusların ümumi dəyəri 43 milyon dollara yaxın təşkil edir ki, bu da 2008-ci ilin yanvar-noyabr aylarındakı göstəricidən 28,3% aşağıdır.
